الرئيسية / أخبار / باراكا من السكات من أمام منزل عائلة شهيد الحكرة “معاد”

باراكا من السكات من أمام منزل عائلة شهيد الحكرة “معاد”

الفتنة هي الحكرة
هذا مغربي ولد الشعب ساكن بمدينة القنيطرة معروف فالحي ديالو باب فاس بحسن الأخلاق حسب شهادات الجيران الاسم ديالو معاد بنكيران قتلوه البوليس فالقنيطرة داخل الكومسارية ملي كانو شادينو باش يديرو ليه تحقيق الهوية ، والام والأصدقاء والجيران اكدو أن البوليس تعامل معاه بوحشية وبلا ضمير حيت رفض تهان كرامتو ، وفوق هاد الشي خباو القضية وقالو لعائلتو : تسناو التحقيق وفلخر بداو كيتهربو وكيرهبو صحابو والجيران وكيروجو فالابواق ديالهم انها سكتة قلبية داخل المخفر بسبب اهمال الامن !! لكن عائلتو متيقاتش ودقات فالبيبان لقات كلشي مسدود ، جات الطحنة ديال محسن لقات الطعنة ديال معاد مزال جرحها جديد فقلب الام والاب والعائلة هاد شي علاش قررو يدقو باب الشعب وشاركو فالمسيرة الشعبية ضد الحكرة والتنديد بطحن محسن وخلال الشكل لقاو ولاد الشعب والطلبة وحضور مناضل شريف بالمدينة وخدات الام الكلمة وتفضحات الجريمة لي فيقات فالمدينة حرقة مي فتيحة ……
هاذ الصور والاثار ديال الضرب والاجرام دليل على أن لي حاكمينا مافيا وطاحنينا وقاتلينا وشاعلين فينا العافية …
باركا من السكات … رآها للعظم وصلات .

تحقيق دولة القانون والمواطنة الحقة, وإحترام حقوق الإنسان وضمان الحرية والكرامة والعدالة الإجتماعية‎
حركة الجمهوريين المغاربة

 

عن admin

اضف رد

لن يتم نشر البريد الإلكتروني . الحقول المطلوبة مشار لها بـ *

*